Tybed oes rhywun yn gwybod pwy wnaeth y cwpled enwog hwn?

Haws cael caws o fol y ci
Na cheiniog o Frychyni...

Ffarm heb fod yn bell o Langybi yn Eifionydd ydi Brychyni. Pobol hael tu hwnt sy'n byw yno erbyn heddiw!

Mae'r cwpled ar lafar cyn belled â Llyn, a'r fersiwn glywir weithiau ydi:

Haws cael caws o ben y ci
Na cheiniog o Frychyni.

Pwy bynnag wnaeth y cwpled, nid y fo oedd piau'r ddelwedd ddifyr yn y llinell gynta'. Mae ymadrodd tebyg iawn yn Llydaweg. Yno dywedir bod rhywbeth yn anodd iawn

'vel tenn amann deus goug ar c'hi:

'Fel tynnu menyn o wddw'r ci.' Mae 'pen y ci' yn agosach i'r ymadrodd tramor na 'bol y ci'. Cymharer 'agor pen' am ddylyfu gên, a 'cau dy ben!'

Rhaid ei fod yn ymadrodd gan y Brython gynt!