Yn llon heb Saeson fydd swyn
Aeddfed gefnogwyr addfwyn,
Canu mawl heb Sais diawl dig,
Uffernol Saeson ffyrnig.
Gwell fydd y gamp heb Lampard
A Rooney goch a’r hen gard,
Wylo’n grug, aflawen gri,
Y torrwyd calon Terry.
Yn nwyfus fydd Genefa,
Heb chwant Alys blant yn bla,
A Fiena yn feinwedd
Llawen haf yn llawn o hedd,
A heb bêl da gweld pylu
Yr anghymwys Loegrwys lu.
Y gêm honno gymhennaf
Pêl yw’r byd ar hyd yr haf,
Un gêm – Fehefin rwy’n gaeth
I’r Ewro Bencampwriaeth.