Gweithdy'r Annedd

Tyrd i mewn gyfaill ond tria beidio â tharfu gormod ar y beirdd; maen nhw wrthi'n ddiwyd yn cyfansoddi ar y cyd. Bob pythefnos neu fis neu flwyddyn (yn dibynnu ar yr awen!), mi fyddant yn dirwyn un gerdd i ben ac yn rhoi un newydd sbon ar waith. Cei olwg ar eu hymdrechion blaenorol trwy ddefnyddio'r blwch llywio isod. Ond fel y gweli, mae cywaith newydd ar y gweill bellach.

I ddathlu'r ffaith y bydd Barddas yn dathlu ei ben-blwydd yn ddeg ar hugain yn Eisteddfod Genedlaethol Abertawe, y nod y tro hwn yw llunio cywydd o foliant yn rhestru beth yn union y mae Barddas yn ei olygu i feirdd yr Annedd. O ran patrwm, mae angen cynnal y cymeriad llythrennol B ar ddechrau pob llinell. Diolch i Sioncyn am yr awgrym.

Beth am i chdithau felly gyfrannu at y cywydd drwy ddefnyddio'r ffurflen ar waelod y dudalen hon i ychwanegu llinell neu gwpled? (Mae'r prif gopyn yn yn cadw'r hawl i gywiro llinellau gwallus a dileu cyfraniadau di-chwaeth!