Yr Archif

Gwenynen Gynanaidd: Llion Jones

Dychmygwch yr olygfa. P'nawn heulog ar faes yr Eisteddfod Genedlaethol a gwenynen haerllug yn mentro lle na fentrodd yr un wenynen erioed o'r blaen, a phigo Cynan. Yn dyst i'r cyfan, 'roedd y bardd o Ryd-ddu, T.H. Parry-Williams, un arall o bileri'r eisteddfod ar y pryd. Mewn englyn a sgriblwyd ar gefn amlen, fel hyn y cofnodwyd y digwyddiad ganddo.

Y Nefi! Ar nawn hafaidd - o ba le
y daw'r blag chwilenaidd?
Dod ar wib fel blydi blaidd
'Wna gwenynen Gynanaidd.