Wil Sion Saer o'r Brithdir (ger Dolgellau) oedd y bardd. Fo adeiladodd eglwys y Brithdir (sydd yn adeilad arbenig iawn). 'Roedd yn ddyn crefyddol, yn flaenor yng nghapel Salem.

Mi roddodd ei holl oes i'r dasg o adeiladu'r eglwys mewn dull bensaerniol aruchel. Yn anffodus, fodd bynnag, aeth y cyfan yn drech nag o ac yn ysbyty meddwl Dinbych y cyfansoddodd yr englyn. Dyma'r fersiwn a ddysgais i :

Uchel nod a osodais, - i gyrraedd
rhagoriaeth ymdrechais;
Ond blêr ac ofer fu'r cais,
Yn seilam y noswyliais.

Bu farw yn yr ysbyty. Dyma'i englyn olaf felly.