Wedi ei naddu ar lechen, ar ei phen i lawr, ar ochr y bont ym Montnewydd ger Brithdir, Dolgellau mae 'na englyn. Mae’n anodd ei weld, ond wedi gollwng Moira Mai dros erchwyn y bont gerfydd ei fferau dyma godi’r cyfan:

Mil seithgant gwelant mewn golau, – gwiw ffawd,
chwe deg a phump diau
y coded, da ged, di gau
y bont hon ar bentannau.

Mae’r englyn, fel sawl englyn arall ar bontydd hyd a lled Cymru yn nodi dyddiad codi’r bont, sef 1765. Oes na bont ag englyn tin dros ben arni yn eich hardal chi?