I'w chanu ar y dôn "Gwnewch bopeth yn Gymraeg", gyda sylw arbennig at y dyblu yn yr ail bennill.

Yn Nottingham ers talwm
‘Roedd Sherriff boliog bras
A’i ormes ar y werin
Dros frenin Lloegr gas,
Ond Robin a Wil Scarlet,
Y Celtiaid yn y co’d,
Ro’th wres i dra’d y Sherriff,
Y Scarlets cynta’ rio’d.

I Nottingham eleni
Mae teigrod balch yn dod
Sy’n ysgyrnygu’n Seisnig
Mai nhw yw’r gore’n bod;
Yn cwyno mewn acenion,
Fel bydd rhyw Saeson swèl,
“Why must we trek up here
Oh dear, for Quinnell”.

Daw Robin arall eto
A’r brodyr Easterby
A Stephen Jones i hela
Y teigrod mawr eu bri;
Bydd coesau eu canolwyr
Yn crynu’n siwps mewn braw
Wrth feddwl pwy i’w daclo:
Leigh Davies neu Finau.

Mae bois y crysau sgarlad
Am wa’d y teigrod blin,
Mae’r Cymry am eu hamro
A’u cico lan eu tin;
Mi wediff Martin Madden
Wrth Johnson fynd i’r jawl
A hala Austin Healey
I bwdu yn ei gawl.

Ac yno yn eu hannog
Bydd haid o Gymry gwâr,
Yn canu yn unedig
Ac wedi cael ein siâr
O wîn y fuddugoliaeth
A chwrw Felin-fo’l
Cymdeithas Albert Jenkins
Cyn troi am adre’n ôl.