Llym brath yr oerwynt, llwm bryn; - y landar
A'i lond o ddail melyn;
Anodd taenu fy menyn.

A dwi'n dridyblig, cariad,
Dwi'n annelwig,
A dwi'n oer.

Yli ysig ydi'r brigau - heddiw.
Glas oedden nhw gynnau,
Pan ôn i dipyn yn iau.

A dwi'n dridyblig, cariad,
Dwi'n annelwig,
A dwi'n oer.

Mi hedodd gwennol ola' - pob un dim,
Mae'n oeri 'ma'n ara';
Hynny yw: mae hi'n aea'.

A dwi'n dridyblig, cariad,
Dwi'n annelwig,
A dwi'n oer.

Mae anadl y byd mewn dail bach, - byd oer,
Bob dydd yn dywyllach;
Heliais i'r crinddail i sach.

A dwi'n dridyblig, cariad,
Dwi'n annelwig,
A dwi'n oer.