Yn ferfa o ddyn, yn farfog,
Yn fawl i gyd, fel y gog,
Ar haul neu law, daw Dewi
I wneud niwl yn dai i ni.
Dewin yw am dy newydd,
Mi wneith o dy mewn wyth dydd,
Ty i fwrw oes, ty o fri,
A’r cerrig fel Tre’r Ceiri.
Gwneud ty o’r beudy y bydd,
A gwneud to rhag naw tywydd.
Gwneud ty i’r hen Gymry gael
Byw ’ma wedyn  heb ’madael.
Gwneud ty, wedi carthu côr,
Addas i fab Llecheiddior.

O Lecheiddior bob bora – daw swn braf,
Nid swn brain yn cega,
Ond chwerthin y Dewin da
A’i farf yn llond y ferfa.