Efo'r Plant yn Enlli ar Ddiwrnod Cneifio

Twm Morys

Fel roedd y cwch yn dod i'r lan
Mi glywn i frefu ym mhob man.

Mi es i at y ffarm, a sleifio
Heibio'r giât i'w gweld nhw'n cneifio.

Ac i'r mynydd a mi wedyn,
I fREUddwydio yn y rhedyn.

Ond dyma ryw hen niwl yn codi
Fel tae dwr y Cafn yn berwi,

A dyna chwalu, ar fy ngwir,
Y terfyn sydd rhwng môr a thir.

A dacw loeau yn y bae,
A'r cwch fel cimwch yn y cae.

A'r hen gorn cychod yn canu o hyd
'Run fath â'r ceiliog mwya'n y byd.

A dyna'r gwenoliaid fesul tair
Mor llambedyddiol dros y gwair.