Sôn y mae'r cywydd 12 llinell yma am yr holl firi masnachol Seisnig fydd yng Nghymru adeg Dydd Gwyl Ffolant. Sant yn hanu o'r Eidal, ac a fu'n byw ar hyd ei oes yn yr Eidal, oedd Ffolant, neu Valentino, yn ôl rhai haneswyr. Mae yng Nghymru eisoes nawddsant i'r cariadon. Ategir ergyd gymreigyddol y cywydd gan yr ebychiad 'myn Dewi Sant'.

Daeth rhyw Sais dieithr o sant,
Hen ffwl o'r enw Ffolant,
I redeg ffair gariadon
Bach rad, fel marchnad ym Môn,
A'u dallu nhw â dillad
Mawr eu rhwysg, fel pob dim rhad.
A dyna gladdu Dwynwen,
Heb un wisg ond coban wen.
Nid oes un, myn Dewi Sant,
O ffyliaid bach y Ffolant
 falentein fel un Twm,
Yn y galon yn gwlwm.

 Chwefror 2001