Hen ddydd Gwener rhyfedd
a chastell Cricieth yn y niwl
fel het hen wraig, a llanw
marwolaeth yn cadw cwmni:

tair ohonyn nhw, a heneiddio ydi
rhoi'r gitār yn y to;
yr hen frwydr anorffenedig
rhwng bwrw 'mlaen a rhoi'r gorau:

mae hyd yn oed y tymhorau
wedi drysu: gloynnod byw
yn deor, a gwynt y dwyrain
wedi dewis peidio hedfan:

mān siarad ydi'r cyfan -
dail llynedd, dwylo llonydd,
hen gitār yn wylo
yn ddiymgeledd.