I Mair Glan yr Afon ar ei Phen Blwydd

Twm Morys

Heddiw (ers ambell flwyddyn)
Mewn llofft mewn ty-ffarm yn Llyn,
Cyn y niwl, adeg y cnau,
Adeg naid y gwyniadau,
A chant o blant ym mhob lôn
Ar dywydd mwyar duon,
Ganwyd hon, ac yn y ty
Hwnnw'r oedd dau yn gwenu.
A bu lamp drwy'r gaea' blin,
Golau i Edward ac Elin...

Mae tân braf yng Nglan 'Rafon,
A serch bod eu merch ym Môn,
Daw'r sêr, toc, hyd Roshirwaun,
Yn rwbal aur, fel o'r blaen.
Yn y Penrhyn Melyn mae
Ei henw'n wynt a thonnau.
Brefu mae holl loeau Llyn,
Cnadu y mae'r cwn wedyn,
A hon yn cysgu heno'n
Llanbedr Goch, efo moch Môn.