acnvbnr.gif (17863 bytes)


bothafan.gif (2645 bytes)
botcyntedd.gif (2668 bytes)
botgweith.gif (2698 bytes)
botoriel.gif (2634 bytes)
botstydi.gif (2665 bytes)
botpleid.gif (2771 bytes)
botseiat.gif (2605 bytes)
botllyfrym.gif (2804 bytes)
botdolen.gif (2657 bytes)
botgwers.gif (2636 bytes)
botcwis.gif (2617 bytes)
botarchif.gif (1918 bytes)

 

Nadolig yng Nghymru 2004

Arwyn Groe

Baban mewn crud sy'n hudo
gwy^r doeth, ond nid ei grud o
ydio; Tinsel ar goeden,
mae'n 'aea' yng Ngwalia wen.

Rho y myrr am eiriau mud,
yn naf rho'n haf hefyd,
a thus ein cymdeithasau
i'r un sy'n herio'th barhau;
Rho heddiw dy dir iddo,
rho dy aur yn ei grud o.
Rho i'r baban bach annwyl
waedu iaith i godi'i hwyl.

Yng Ngwalia ddi-angylion
daear hesb yw'r stori hon
nad yw'n d'eud am frad ein dydd
a niwed stablau newydd.

O dan dinsel ein celwydd
y mae'r brad mor rhad, mor rhwydd
i'r un, er parablu'r iaith,
yr un na wl estroniaith;
Yn creu angel o'i gelyn,
credu'n wyrdd - a'r crud yn wyn.

Nos oeraidd a di-seren
sy' i 'aea' hen Walia wen,
'r un bach yn herio'n bod,
y mae hiraeth am Herod.

Rhagfyr 2004

cnvrule.gif (2354 bytes)