|
| |
Serch
Clywais yn ddiweddar am gariadon yng Ngogledd Iwerddon, un yn Brotestant ac un
yn Babydd. Saethwyd y gwr ar sail y gwahaniaeth hwn.
Iwan Rhys
Er chwennych serch 'n y Chwe Sir
mae hollt yn rhannu eu milltir
a dau'n croesi ffiniau ffydd
yn boen i'w tadau beunydd.
Wrth eu traed mae gwaed y gwin
a'i warth yn mogi'r chwerthin
a blas galar eu bara'n
basgedig, eglwysig lān.
Heno, mae credu'n anodd
yn Ei drawst cans hynny drodd
un ergyd yn alargan
a chariad dau'n chwarae tān. Ionawr 2002
 |
