Y tu hwn i tu hwnt

Arwel Jones

ble mae’r ehedydd?

cododd yn y dyddiau a fu
a breuddwydion y beirdd
yn dwym o dan ei adenydd

cododd, cododd gerfydd ei gān
a’i gri yn cosi yn y clyw
o’r tu hwn i tu hwnt

cododd yn y dyddiau du
a’n llygaid yn crymu tua’r llawr

cododd, cododd
yn frycheuyn i gannwyll yr haul
nes bwrw’i olau’n byllau bach
y tu hwn i amrannau’r weddi

cododd yn y dyddiau da
fel saeth wrth gynffon seren
a sefyll draw wrth flaenau’n bysedd

cododd, cododd;
ei gysgod yn dynn mewn dwrn
a gyrr o wy^r a phlacardiau

yn mentro i’r mynydd

*   *   *   *   *

ble mae’r ehedydd?

mae’r ehedydd ar y mynydd,
ein bodlonrwydd yn blwm yn ei blu
a’i gān yn gryndod yn ein gafael
yn ochenaid fach yng ngwyll y wawr …

… yn disgwyl nes daw y dydd.

Medi 2000