Jest Chware

Argraffu
(Geiriau cân o'r albwm Traffig. Un o gymeriadau canolog y Tarot yw'r ffwl.)

Ar y ffin fe ddawnsia'r ffwl,
o'i fodd a heb ei feddwl.
Yn troedio'n llon, digon dwl,
yn unben ar bob penbwl.

Yn ei naid, heb edrych 'nôl,
yn dymuno'r damweiniol.
Ar y ffin, ar lwybrau'r ffôl
i fydoedd y dyfodol.

Yn y bôn ni wyddai be -
ei goflaid am ei gyfle.
Yn ei lwc y mae'n ei le,
a chywrain yw ei chware.